Dán jagáš Studiebarometer čájeha ahte studeanttat eai leat seamma duhtavaččat oahpuin go ovdal. Dasa lassin geavahit eanet áiggi bálkáhuvvon bargui ja unnit áiggi oahpuide.
– In leat hirpmástuvvan dáid bohtosiiguin. Leat leamaš garra jagit. Olu dálá studeanttat álge pandemiija vuolde, go ledje garra gáržžideamit. Das manaimet masá njuolga soahtái Eurohpas, haddelassáneapmái ja ekonomalaš eahpesihkarvuhtii. Váldit dieđuid maid studeanttat addet duođalaččat, dán fertet sihke mii ja ásahusat geahčadit, dadjá dutkan- ja alitoahppoministtar Ola Borten Moe preassadieđáhusas.
Seammás oaivvilda ahte lea maid ágga leat optimisttalaš.
– Eambbosat dieđihit ahte leat duhtavaččat sosiálalaš ja fágalaš oahppobirrasiin, ja leat historjjálaš oallugat geat čađahit oahpu normála áiggis dál, dadjá Borten Moe.
