Golbma nuora ledje dolkan go biillat vudjet nu garrasit sin ássanguovllu čađa.
Golbma nuora ledje dolkan go biillat vudjet nu garrasit sin ássanguovllu čađa.
Oarje-Finnmárkku politiijat dat čállet Twitteris golbma nuorra bártni birra dál sotnabeaivvi .
– Golbma nuorra bártni leat “stoahkan politiijan” E6 geainnu alde. Sis ledje šelggonveasttat badjelis. Mii leat hupman singuin. Sii ledje dolkan garra leahtuide, čállet politiijat.
Álttá nuorttabealde
Altaposten čállá ahte dát bárehuoččat ledje Saga /Vuollevuovddi guovllus, mii lea Álttá nuorttabeali ássanguovllus. Dát golmmas bissehalle biillaid lávvordat eahkeda ja muhtin lei de cavgilan dan politiijaide. Politiijat manne dohko hupmat singuin ja bissehedje dán doaimma.
– Jurdda gal lei buorre, muhto siviila olbmot eai galgga váldit politiijaid barggu, dadjá politiijaid operašunjođiheaddji Sverre Andrè Opdahl aviisii. Dat golbma mahkáš-politiija lohke ipmirdit nu lea, ja heite.
