Odne beaškkehedje guokte biilla oktii. Nuppi vuoddjis gávdne politiijat narkotihka, dasa lassin go lei gárrenoaivvis vuodján.
Odne beaškkehedje guokte biilla oktii. Nuppi vuoddjis gávdne politiijat narkotihka, dasa lassin go lei gárrenoaivvis vuodján.
Odne maŋŋilgaskabeaivvi beaškkehedje guokte biilla oktii, Bossogobis Álttás. Dan dieđiha Oarje-Finnmárkku politiijaguovlu twitteris.
Ambulánsa ja politiijat manne báikái.
Nubbi biilavuoddji, 20-jahkásaš dievdu bijai báhtui. Politiijat gávdne su, ja válde su gažadeapmái. Son áššáiduvvu go galgá gárrenoaivvis vuodján, vuodjinkoartta haga. Politiijat gávdne vel narkotihkaid albmás.
– Eai lean mielčuovvut goappá ge biillas. Nuppi biilla vuoddji, okta nissonolmmoš, dolvojuvvui doavttiriskosii, muhto ii lean roasmmehuvvan, muitala politiijaid operašuvdnajođiheaddji Jan Olav Schjølberg.