Mannan vahkkus suoláduvvui skuter eaiggáda viesu olggobealde.
Mannan vahkkus suoláduvvui skuter eaiggáda viesu olggobealde.
Finnmárkku politiijaguovllus dieđihit ahte mannan vahkkus lea skuter suoláduvvon Heammogiettis, birrasiid guokte miilla davábealde Guovdageainnu čoahkkebáikki.
Politiijaguovllu operašuvnnaguovddážis muitalit ahte skuter, čáhppes Arctic Cat XF800 Snopro, lea suoláduvvon eaiggáda orrunbáikki olggobealde.
– Eat dieđa makkár beaivvi lea suoláduvvon, muhto lea okte mannan vahkkus jávkkodan, muitala Sverre Andre Opdahl.
Opdahl ii sáhte lohkát leago dábálaš ahte Guovdageainnus suoláduvvot skohterat, muhto lohká olles Finnmárkus lea dađibahábut oalle dábálaš ahte skohterat suoláduvvot.
Politiijat dáhttot olbmuid cavgilit sidjiide jus dihtet maidege áššis.
