Buot johtolatstašuvnnat giddejit duorastaga, nu jođánit go lea praktihkalaččat vejolaš.
Stáhta geaidnodoaimmahat lea mearridan giddet buot johtolatstašuvnnaid Norggas korona- dávdda geažil.
Dat mearkkaša ahte buot doaimmat, nu movt vuodjingeahččaleamit, teorijageahččaleamit ja hálladárkkistusat, mat leat plánejuvvon duorastaga ja bearjadaga leat šluhttejuvvon, dadjá Stáhta geaidnodoaimmahaga Bodil Rønning Dreyer.
Stáhta geaidnodoaimmahat čállá iežaset neahttasiiddus ahte sii čuvvot mielde movt korona- dávdda dilálašvuohta ovdána, ja áigot váhkoloahpas veardidit galget go rahpat johtolatstašuvnnaid boahtte vahku.
Bearjadagas mánnodat iđida rádjái eai leat Stáhta geaidnodoaimmahaga digitála reaiddut doaimmas, ja dán áigodagas ii boađe leahkit vejolaš sáddet sisa vuovdindieđáhusaid, máksit registrerendivadiid dahje registreret ođđa vuojániid Stáhta geaidnodoaimmahaga neahttasiidduin.
