Dat lea Ruošša olgoriikadepartemeantta gulahallanolmmoš, Maria Zakharova, guhte sivahallá Norgga.
Son lea eanemus profilerejuvvon olmmoš Klremlenis guhte ovdal nai lea sárdnidan Norgga vuostá.
Iežas profiillas Telegram-gulahahallanbáikkis son sivahallá Norgga, dieđiha The Barents Observer.
– Dat Norgga ođđaliberálat ja elliidvašuheaddji šibiteiseválddit čolget sámiid dovdduid ala ja sin mytologiija ala, čállá Zakharova Telegrammas.
Dat geavai maŋŋá go gulai ahte dat 40 bohcco mat ledje máhccojuvvon Ruoššas Norgii leat njuvvon.
– Dat njuvve daid. Dat lea čielga eallingoddin «zoocide», čállá Zakharova ja buohtastahttá eŋgelas sániin «genocide» mii lea olbmuidgoddin.
The Barents Observer lea hupman Andrej Danilovain, Guoládatnjárgga sápmelaččain guhte lea báhtaran Ruoššas. Son lohká ahte Zhakharova cealkámuš lea gielis.
– Maria, du ráđđenvuohki billista sámiid ovdii Ruoššas. Dál leat unnit bohccot Murmánskkas go maŋŋá nuppi máilmmisoađi. Dál eai šat balljo leat boazosámit, lohká son.
(©NTB)
