Romssa suohkanis dieđihuvvojit čieža ođđa covid-19 njoammuma ja dihtet ahte buot njoammumat leat boahtán olgoriikkas dahje Oslos.
21 olbmo leat dál isolašuvnnas, ja 89 olbmo leat erremis, dieđiha Romssa suohkan preassadieđáhusas.
– Dat lea nu go leat árvvoštallan daid maŋemus golmma-njealji vahkku. Njoammun Romssas lea eanemusat boahtán eará báikkiin – jo go olgoriikkas dahje eará guovlluin gos olu njoammun lea, lohká suohkandoavttir Kathrine Kristoffersen.
– Ráđđehus lea bidjan johtui bákkolaš testema rukses riikkaid rádjeguovlluin. Lea dehálaš ahte dárkkisteapmi lea buorre. Mis lea leamaš buorre doaibma girdišiljus ovttasráđiid Avinorain. Romssas ávžžuhit buohkaid iskosa váldit viđat beaivvi dain geat bohtet guovlluin Norggas gos lea olu njoammun. Dainna vugiin sáhttit bissehit njoammuma. Dattetge lea riska ahte njoammun leavvá go buohkat eai áiggo čuovvut dáid ráđiid. Mii fertet muitit ahte leat ollugat geaidda sáhttá dávda njommon, ja geain eai leat dávdamearkkat. Danne lea dehálaš ahte mii ain čuovvut njoammuneastadanrávvagiid ja njuolggadusaid mat leat, lohká Kristoffersen.
