-Almmuhus-
-Almmuhus-
OĐĐASAT Riika­viidosaš doaimmat guhki­duvvojit guvttiin beivviin

Riika­viidosaš doaimmat guhki­duvvojit guvttiin beivviin

-

-

Dearvvašvuođa- ja fuolahusministtar Høie dieđiha ahte ráđđehus guhkida riikaviidosaš njoammudávdda eastadandoaimmaid guvttiin beivviin. 

– Ráđđehus guhkida daid sreaŋggis riikaviidosaš doaimmaid guvttiin beivviin, 12. beaivvis gitta 14. beaivvi lohppii. Dalle oažžut mii buoret vuođu árvvoštallat man láhkai beassášluopmu lea váikkuhan njoammumii, lohká dearvvašvuođa- ja fuolahusministtar Bent Høie ráđđehusa preassadieđáhusas.

Leat Dearvvašvuođadirektoráhtta ja Álbmotdearvvašvuođainstituhtta (FHI) mat leat dieđihan Dearvvašvuođa- ja fuolahusdepartementii ahte buot beassášlogut ja dieđut eai leat sajis ovdal go boahtte vahku loahpas. Daid loguid mielde árvvoštallá ja rávve ráđđehus. 

– Lea eŋgelas virusvariánta mii ráđđe Norggas, go dat álkibut njoammu ja dan mielde čuvvot maid duođalaš dávddat ja eanet olbmot šaddet buohccivissui. Lei njukčamánu 25. beaivvi go ráđđehus čavgii riikaviidosaš doaimmaid hehtten dihtii dávdda njoammuma guovlluide riikkas gos lea unnán njoammudávda. Oslo, Viken, Haugalandet ja Bådådjo guovllus leamaš eanemus njoammumat ja doppe leamaš velá garrasut doaimmat go muđui riikkas. Mii háliidat ahte Dearvvašvuođadirektoráhtas ja Álbmotdearvvašvuođainstituhtas (FHI) lea buoret áigi árvvoštallat dilálašvuođa nu ahte mii oažžut buoret mearridanvuođu riikaviidosaš doaimmaide dás ovddosguvlui, lohká Høie. 

-Almmuhus-