Kvena instituhtta, Kainun institutti – Kvensk institutt, lea buvttadan ja filbmen kvena adveantakaleandara.
Kvena instituhtta lea buvttadan kvena adveantakaleandara Leavnnja mánáidgárddi Bærtua barnehage kvena ossodaga Krøkebær/Variksenmarjointupa mánáiguin ja Kvena instituhta kvenagiellabeasi mánáiguin. Kaleandaris leat 24 kvena sáni ja juohke beaivvi ráhppojuvvo ođđa sátni áigodagas 01.12.–24.12. diibmu 06.00.
– Mii válddiimet oktavuođa Bærtua mánáidgárddiin árračavčča gullan dihtii livčče go sis beroštupmi ráhkadit adveantakaleandara buot kvenaide Norggas. Krøkebær/Variksenmarjointupa mánáidgárddi ollesolbmot ja mánát leat hárjehallan dadjat dáid juovlasániid ja dálvesániid. Mii filbmiimet Kvena giellaguovddážis Leavnnjas. Mii čiŋaheimmet juovlabeazi, vuoššaimet juovlasuohkada ja boraimet šattuid ja bihporgáhkuid go filbmemis lei boddu. Mánát illudit eanemusat čájehit buohkaide Norggas dán adveantakaleandara ja oahpahit earáide dáid kvena sániid. Mii sávvat buohkat fitnet min fárus rahpamin dáid luŋkkáid, lohká Kvena Instituhta kulturbargi Riinakaisa Laitila preassadieđáhusas.
Kalendderluŋkkát almmuhuvvojit Kvena instituhta ruovttusiiddus, Facebookas, Instagrámmas ja Twitteris.
