Porsáŋggu musea rahpá Edith Pettersen geađgegovvačájáhusa Porsáŋggu ráđđeviesus kvenaid álbmotbeaivvi, dán lávvardaga.
Lávvardaga, njukčamánu 16. beaivvi, mii lea kvenaid álbmotbeaivvi, bovde Porsáŋggu musea álbmoga «Kivissii kuvvii – Bilder i stein» dahje govat geađggis čájáhusrahpamii tiibmu 11.00 Porsáŋggu ráđđevissui Levdnjii.
– Mii čájehat badjel 60 geađgegova maid Edith Pettersen (riegádan 1944) lea ráhkadan. Son lea eallenagi ássan Stuenes báikkis Bajit-Leavnnjas, lohká Porsáŋggu musea bargi Riinakaisa Laitila.
– 1990-2008 áigodagas lea son ráhkadan daid govaid. Porsáŋggu luondu lea su inspireren ráhkadit govaid mat čájehit molsašuddi áigodagaid ja čielga ivnniid. Dát govat leat guhká čiŋahan ruovttuid ja bargosajiid, muhto dál čájehuvvojit eanaš su govat ráđđeviesu stuorrafeaskáris, muitala Porsáŋggu musea jođiheaddji Riinakaisa Laitila.
Čájáhusa sáhttá oaidnit gitta miessemánu 31. beaivái ráđđeviesu rabasáiggis.