Miessemánu ledje 1 174 000 norgalačča geat guldaledje digitála kanálaid beaivválaččat, 885 000 guldaleaddji fas jagi ovdal. Dat mearkkaša ahte rádiologut buorránit.
Digitála rádiokanála guldaleaddjit leat lassánan sakka dan maŋemus jagi. Guldaleaddjit lassánedje badjel 30 proseanttain miessemánu ja geassemánu dán jagi, buohtastahttojuvvon diimmážiin.
Buorránan
Norga lea guđageardde duppalastán riikaviidosaš rádiokanálaid go leat sirdán DAB ja digitála rádion. Dál leat dat ođđa digitála kanálat maid stuorrugoahtán.
Miessemánu ledje 1 174 000 norgalačča geat guldaledje digitála kanálaid beaivválaččat, 885 000 guldaleaddji fas jagi ovdal. Geassemánu lassánedje beaivválaš guldaleaddjit. 1 228 000 dán jagi, 940 000 jagi ovdal. Dasto lea lassánan badjel 30 proseanttain.
Dát logut bohtet lassin go NRK P1, NRK P2, NRK P3, P4 ja Radio Norge guldalit.
– Dá leat máilmmi buorit logut. Váldomihttu rádioođastemiin lea addit guldaleddjiide eambbo vejolašvuođaid. Go riikaviidosaš kanálain leat badjel 30 proseantta eambbo guldaleaddjit, čájeha dat dan ahte rádio deaivá dainna sisdoaluin mii lea, dadjá Ole Jørgen Torvmark, Digitalradio Norge beaivválaš jođiheaddji.
