P4-joavkku ja Bauer Media guldaleaddjit leat lassánan vássán jagis, ja leat fargga seamma dásis go vihtta eará stuora kanála.
P4-joavkku ja Bauer Media guldaleaddjit leat lassánan vássán jagis, ja leat fargga seamma dásis go vihtta eará stuora kanála.
Logut maid Mediabearráigeahčču almmuhii, čájehit ahte P4-joavku ja Bauer Media rádiokanálat leat fargga seamma dásis go NRK-kanálat P1, P2, P3 ja P3, ja Radio Norge, dieđiha Mediabearráigeahčču preassadieđáhusas.
– Logut čájehit ahte rádioguldaleapmi lea rievdame. Go digitálarádio bođii, de lea guldaleddjiin stuorát válljenmunni, ja dat váikkuha ovdáneami, lohká Mediabearráigeahču direktevra Mari Velsand.
– Háddjejuvvot
Jagis, 2016 juovlamánus gitta 2017 juovlamánnui, njiejaid daid stuora kanálaid guldaleaddjioassi 60,2 proseanttas 42,1 prosenttii. Seammás lea P4-joavkku ja Bauer Media oassi lassánan 26,4 proseanttas 36 prosentii. Erohus ii leat goasse leamaš nie unni ovdal.
Maiddái guldalanáigi lea rievdan.
– Guldaleaddjit háddjejuvvot eanet kanálaide, ja orru nu ahte stuora kanálat masset guldaleddjiid unnit kanálaide. Buot orru čujuheame ahte digitaliseren lea čielga váikkuhus, lohká Velsand.
Unno guldaleaddjit
Juovlamánu jáddadedje FM-neahta Nuorta-Norggas, ja Romssas ja Finnmárkkus. Dat váikkuhii guldaleaddjiloguid.
– Lea lunddolaš ahte leat unnit guldaleaddjit dakkár mánu go guovtti sajis jáddadit FM-neahta, lohká Velsand.
