Ivgubađa mihtidanstašuvdna lea okta báikkiin gos leat mihtidan rádioaktiiva jutta áimmus.
Ivgubađa mihtidanstašuvdna lea okta báikkiin gos leat mihtidan rádioaktiiva jutta áimmus.
Stáda suonjardanbearráigeahčču dáhkida ahte ii leat nu alla rádioaktivitehta ahte lea várálaš olbmuide dahje birrasii.
Badjelaš mánu bohtosiid almmuhan
Máŋga vahkku lea Stáda suonjardanbearráigeahčču mihtidan áimmu. Vuosttaš positiiva bohtosat bohte ođđajagemánu nuppi vahkkus, ja leat dađistaga coahkkán bohtosat Stáda suonjardanbearráigehččui.
Judda lea mihtiduvvon Trøndelágas, Ivgubađas, Østeråsas lulde, ja Svanhovdas mii lea Báhčaveajis ja Viksjøfjellas mii lea seamma guovllus lahkosis.
Eai dieđe vuos gos dat suonjardeapmi suođđá, ja Stáda suonjardanbearráigeahčču joatká áibmogoziheami, dieđiha stáda suonjardanbearráigehčču.
Suomas ja Estteeatnamis maid
The Independent Barents Observer čállá maid ahte Suomas leat maid dieđihan juddasuonjardeami áimmus.
Maiddái Estteeatnamis leat mihtidan suonjardeami.
Ollu riikkat davvin geavahit atomarusttegiid go ráhkadit dálkasiid, čállá The Independent Barents Observer.
