-Almmuhus-
-Almmuhus-
SMÁVVAOĐĐASATRáđđehus addá lobi álggahit geaidnobarggu 

Ráđđehus addá lobi álggahit geaidnobarggu 

Journalista

-

-

Ráđđehus almmuhii borgemánu 14. beaivvi ahte juolluda ruđaid geaidnoprošektii  E6 Megården-Sommerset Sørfold gielddas Nordlánddas ja bargu galgá álggahuvvot 2024 stáhtabušeahta ruđaiguin. 

– Ráđđehus áigu juolludit ruđaid 2024 stáhtabušeahtas álggahit geaidnoprošeavtta E6 Megården- Sommerset. Lea dehálaš ahte dát prošeakta álggahuvvo vai čatnat oktii Mátta- ja Davvi-Norgga dorvvolaš vugiin. Lea dehálaš ahte báikkálaš, guovllu ja riikaviidosaš huksen- ja rusttetdoaibmasuorgi oažžu barggu. Prošeakta juhkkojuvvo smávit osiide ja dahká álkibun  earáide go dušše stuorámus riikkaidgaskasaš entreprenevrraide gilvalit bargguid alde, lohká Trygve Slagsvold Vedum (Gb).

JUOLLUDA RUĐAID: Trygve Slagsvold Vedum lohpida geaidnohuksema. Vuorkágovva: Beate Oma Dahle / NTB
JUOLLUDA RUĐAID: Trygve Slagsvold Vedum lohpida geaidnohuksema. Vuorkágovva: Beate Oma Dahle / NTB

– Davvi-Norgii lea dát mearkabeaivi. Prošeakta lea dehálaš go dainna sáhttá čoavdit tunnelsihkarvuođa, servodatsihkarvuođa ja goastama hástalusaid. Prošeavtta gaskka E6 Megården-Murgosvuotna juohkit mii Sommerset báikái ja dalle geargat mii jođánabbot  prošeavttain ja seammás lea buorre ealáhuspolitihkka, lohká Bjørnar Skjæran (Bb).

Prošeakta E6 Megården-Murgosvuotna Sørfold gielddas Nordlándda fylkkas. Dán gaskkas leat 16 tunealla main lea heajos standárda ja mat eai deavdde tuneallasihkarvuođa njuolggadusaid. Dán gaskkas leat ceakko vuostálagat ja jus šaddá giddet geainnu, de ádjána 11 tiimmu garvit dan gaskka.

Ráđđehusbellodagat deattuhit ahte prošeavtta juohkin ii mearkkaš ahte Sommerset-Murgovuotna heaittihuvvo. Ráđđehus háliida maid dán gaskka álggahit nu jođánit go vejolaš. Nationála johtolatplánas, mii almmuhuvvo 2024 giđa, dieđihuvvo lagabui goas dán gaskka ráhkadišgohtet.

-Almmuhus-