E6-luodda Nuovasmuotkkis lea giddejuvvon diibmu 18 rádjái. Stáhta geaidnodoaimmahat lea čorgeme ja sihkkarastime guovllu maŋŋel go geađggit firre duorastaga eahkeda.
Geđggiid geažil, mat firre duorastaga eahkeda, giddejuvvui E6 duorastaga eahkeda. Dál leat čorgeme guovllus ja geaidnu dollo gitta dassá go barggut leat čađahuvvon. Geaidnodoaimmahat árvvoštallá maŋimusat diibmu 18 geargat čorgenbargguin. Áidna vejolašvuohta dál beassat ovdamearkka dihte Romsii lea Suoma bokte vuodjit.
– Mii šállošat go dat čuohcá johtolahkii, muhto mii fertet dan dahkat sihkkarastin dihtii luotta. Barggut fertejit čađahuvvot beaivet go lea čuovga, lohká Karl Martin Eriksen Stáhta geaidnodoaimmahagas.
Geahča 175.no siiddu ođasmahttojuvvon dieđuid dihte.
