Čiežas galge bargat viidáset Dark-Room dutkamiin, Norgga historjjá stuorámus rohcošanáššiiguin. Muhto politiijat fuomášedje jođánit ahte dárbbašedje mihá eambbo bargiid dása.
Bergen politiijat fuomášedje jođánit ahte čieža bargi ledje. Ođđajagemánus diibmá šattai Dark-Room prošeakta mielde dan aiddo ásahuvvon seksuálarihkus ossodahkii Vest politiijaguovllus.
Ii lean dilli dutkat ođđa áššiid
Leat oktiibuot 20 politiijaolbmo bargan áššiiguin, main 300 máná leat vásihan seksuálalaš gillámušaid.
2018 skápma ledje dušše vihtta guorahalli ja guokte jođiheaddji báhcán bargat, čállá Bergens Tidende.
Bearráigeahččamis čájehuvvo ahte ii lean beare buorre dilli dutkagoahtit ođđa áššiid, ja áššiid lohku njiejai 2017:s gitta 2018 rádjái, ja viidáset 2019:S.
Lasihan bargiid
Ossodatjođiheaddji ja politiijainspektevra Tore Salvesen lohká aviisii ahte lea boastut geahččat dušše áššiid loguid. Son lohká ahte eai lean sávvan bargoveaga unnideami, ja ahte politiijajođiheapmi oinnii ahte čieža bargi eai lean doarvái. Dan sivas leat lasihan 15 ođđa virggi, ja 20 dan 22 virggis galget sajis cuoŋománu 1. beaivvi rájes.
Máŋggas leat dubmehallan sis geaid válde gitta dan rájes go dutkagohte áššiid 2016:s ja 2017:s, muhto buot duomut eai leat vel riektevuoimmálaččat.
Ii leat čielggas gallis leat dubmehallan.
(©NTB)
