Johkamohkemárkaniid oktavuođas ásahedje politiija sierra gárrenmirkobargojoavkku eastadan dihte narkotihkkageavaheami.
Politiijaid boađus lea ahte logi dievdoolbmo ja njeallje nissonolbmo, gaskal 20- ja 35-jahkásaččat, navdojuvvojit dál geavahan narkotihka. Njeallje dievdoolbmo, gaskal 25-35, maid navdojuvvojit rihkkon narkotihkkalága go leat gieđahallan narkotihka.
Politiijat iske maid golbma dálu Johkamohkis ja gávdne narkotihka guovtti dálus. Politiijat čatnet dan anrkotihkkageavaheami Johkamohki báikkálaš olbmuide, iige márkangussiide. Nu čállet Norrbottena politiijat.
