UiT Norgga árktalaš universitehtas ja Duiskka Ludwig Maximillians University dutkit leat gávdnan ođđa ja innovatiiva vuogi movt ráhkadit boahkuid garra antibiotikaresisteanta buohcciviessobakteriija vuostá.
Okta dain bakteriijain man vuostá mis eai leat boahkut lea Enterococcus faecium. Dat lea dávjá resisteanta olu dábálaš antibiotikaide.
Muhto dál leat dutkit UiT:s ja Ludwig Maximillians Universitehtas Duiskkas gávnnahan movt sáhttit buvttadit enterokokk-boahkuid maid lea viehka álki buvttadit.
Čoavddasátni lea «membranvesikler». Dat leat smávva kuvllat maid baktearat earuhit seallaseinniin.
Sisdoallu lea namalassii ahte vesikleriin leat sihke immunastimulejeaddji proteiinnat, DNA ja buoiddit. Dat leat maid hui stáđđásat, ja dain eai leat njoammu iešvuođat. Danne dat eai sáhte dagahit ahte mii buohccát.
– Mii iskkaimet daid vesikleriid kaniinnaide, ja dat dagahii ahte kaniinnaid immunvuogádat nannejuvvui ollu. Dan varramisu maid kaniinnat buvttadedje, oinniimet mii lihkostuvai hui bures iešguđetlágan enterokokkain. Dat godde maiddái iešguđetge enterokokkaid mat leat resisteanttat iešguđetlágan antibiotikaide, maiddái Vankomycinresistánta baktearat jápme, dadjá UiT medisiinnalaš biologiija instituhta dutki Theresa Wagner.
