Romssas ja Finnmárkkus leat ain olusat geat eai leat ođasmahttán vuodjinkoartta.
Buohkaide, geain lea vuodjinkoarta mii lea stuorát go báŋkokoarta, galgá boahtán diehtu ahte šaddet ođasmahttit vuodjinkoartta jus áigot ođđajagis beassat vuodjit.
Romssas ja Finnmárkkus leat 1 934 olbmo geat eai leat ođasmahttán vuodjinkoartta. Go buohtastahttá muđui Norggain, de lea Romsa ja Finnmárku heajumusaid searvvis, go leat dušše 33 proseantta ássiin geat leat ođasmahttán vuodjinkoartta. Norggas leat 41 proseantta ássiin ođasmahttán.
– Lea suorggahahtti go Romssas ja Finnmárkkus eai oro ođasmahttime koarttaid. Jus eambbosat eai diŋgo diimmu ja ođasmahte koartta, de leat olusat geat masset vuodjinlobi ođđajagemánus, čállá Stáhta geaidnodoaimmahaga ossodatjođiheaddji Ingunn Foslund preassadieđáhusas.
