Olmmošlohku lassána Norggas, ja diibmá lassánii olmmošlohku 0,9 proseanttain. Dievdoolbmot lassánit buot eanemusat.
Olmmošlohku lassána Norggas, ja diibmá lassánii olmmošlohku 0,9 proseanttain. Dievdoolbmot lassánit buot eanemusat.
Jahkemolsašumis ledje 5 258 317 olbmo geat ásset Norggas. Dat lea 44 300 lassáneapmi. Akershus fylkkas lei stuorimus lassáneapmi, ja Oslos leat dál 667 000 ássi, čájehit Statistihkalaš guovddášdoaimmahaga (SSB) logut.
Eanemus ruoŧŧelaččat
2008 rájes leat olgoriikka ássiid lohku, geat orrot Norggas, duppalaston. 2008:s orro 266 000 olgoriikka ássi Norggas, ja maŋemus jahkemolsašumis lei lohku 559 218.
2016:s bohte eanemus Syria ássit Norgii. Ollugat sis leat ožžon lobi ássat Norggas ja leat dieđihuvvon ássin. Polskalaččat leat eanemus olgoriikka ássit geat orrot Norggas, ja ruoŧŧelaččat ja litauerat leat nubbin ja goalmmádin eanemusat.
SSB logut čájehit maid ahte leat eanemus dievddut Norgga álbmogis. Nu lea 2010 rájes leamašan. Diibmá lassánedje dievddut 24 000:in, ja ođđajagimánu 1. beaivvi čájehedje logut ahte leat 40 000 eanet dievddut Norggas go nissonolbmot.
