Suhkkes borga ja biegga mii lea orkána fámuid dásis, dagaha ahte ollu geainnut Finnmárkkus leat giddejuvvon. Soaitá ádjánit ovdal go fas rahpet geainnuid.
– Lea hui váttis doallat geainnuid rabasin dál, dadjá Davvi geaidnodoaimmahaga Fredrik Nyland.
Lea sáddejuvvon várrehus garra borggaid geažil, ja iđđedis leat geainnut giddejuvvon.
– Finnmárkkus leat hui ollu geainnut giddejuvvon. E6-geainnut leat earret eará giddejuvvon, earret eará Suoidneleavššis, muitala Nyland.
Nie dat jáhkkimis bistá beaivvi.
– Eanaš geainnut leat várra gitta unnimusat gaskabeaivái, muhto guhkit sáhttet giddejuvvot. Dađistaga árvvoštallat ovttas muohtačorgejeddjiiguin, dadjá Nyland.
Romssas lea veahá buoret dilli, muhto muhtun feargadoaimmat rahčet biekka geažil. Maiddái doppe sáhttet geainnut giddejuvvot oanehis áiggis.
(©NTB)
