Eanandoallodirektoráhta logut čájehit ahte lea 261 tonna bohccobiergu vuovdin ládje dál.
Eanandoallodirektoráhta logut čájehit ahte lea 261 tonna bohccobiergu vuovdin ládje dál.
Eanandoallodirektoráhta logut čájehit ahte geassemánu 1. beaivvi lei 261 tonna bohccobiergu vuorkkás. Miessemánu njiejai biergu vuorkkás 20 tonnain.
Eai buot njuovahagat leat almmuhan dieđuid geassemánu 1. beaivvi rádjái, muhto Eanandoallodirektoráhtta lea ožžon dieđuid dain stuorimus njuovahagain maid dál almmuhit, ja logut galget leat buori muddui doallevaččat.
Njuovvanlogut:
| 01.01.2016 | 01.04.2016 | 01.05.2016 | 01.06.2016 | |
| Gorudat | 284 | 60 | 79 | 65 |
| Smávva bierggut | 28 | 11 | 9 | 7 |
| Cáhppojuvvon biergu | 87 | 131 | 107 | 105 |
| Čielgedeahkki/biffa | 26 | 33 | 38 | 29 |
| Čoarbbealli | 15 | 19 | 24 | 23 |
| Eará | 25 | 35 | 27 | 32 |
| Supmi | 465 | 290 | 284 | 261 |
Gáldu: Eanandoallodirektoráhtta
Njuovvanáigodat lea borgemánus gitta njukčamánu lohppii. Eanemusat njuvvojuvvo čakčamánus gitta juovlamánnui, ja vuorkái čoggo eanemusat maŋemus golmma mánus.
2015-2016 njuovvanáigodagas njuvve birrasii 75 400 bohcco mii attii 1640 tonna bohccobierggu. Mannan njuovvanáigodagas lei Finnmárku gos buvttaduvvui eanemus. Doppe bukte njuovahagat 60 proseantta bierggus mii buvttaduvvui Norggas.
