Dakkár bohtosa lohká Norgga Meteorologalaš Instituhtta go govvida Davvi-Norgga mannan geasi dálkki.
Meteorologlaš Instituhtta lea 1900 rájes dahkan dálkeregistreremiid. Mannan geasi ásahusa registreremiid dieđut muitalit ahte Davvi-Norggas lei arvvi eanet go goassige ovdal 1900 rájes.
– Davvi-Norggas lei 50 proseanta eambbo njuoskkadat go dábálaččat láve, ja lea leamašan njuoskaseamos geassi 1900 rájes dálážii.
Oba riikkas ges gaskamearálaš lassáneapmi lea fas 15 proseantta.
Báhkka geassi maid
– Geassi lei báhkas dahje hirbmat báhkas Romssas ja issoras báhkas Finnmárkkus, čállá Meteorologialaš Instituhtta iežaset ruovttusiiddus čakčamánu nuppi beaivvi.
Liikká eai leat ásahusa lohkamiid mielde mannan geasi Davvi-Norgga temperatuvrrat leamaš nu báhkat, danin lea instituhtta bidjan dan jagáš geassetemperatuvraid čihččet sadjái.
