Dássážii dán jagi lea čieža olbmo duššan johtolagas Romssas ja Finnmárkkus, mii lea golbma uhcit go jagi 2022:s.
Norggas leat 113 olbmo duššan johtolagas dán rádjái, mii lea golbma uhcit go jagi 2022:s. Dan čájehit Stáhta geaidnodoaimmahaga gaskaboddosaš lihkohisvuođalogut.
– Leamaš guokte mánu, čakčamánus ja golggotmánus, go eai leamaš jápminlihkohisvuođat Romssas ja Finnmárkkus, muhto dađi bahábut skábmamánus lei okta jápminlihkohisvuohta dán guovllus. Ávžžuhan buohkaid doallat leaktorájá, vuodjit čielggusin ja leat áicevaš vuojedettiin. Váldet vuhtii dálkki ja siivvu ja fuolat ahte vuojániin sáhttá dorvvolaččat vuodjit, lohká Stáhta geaidnodoaimmahaga johtolathálddašeami ossodathoavda Oddbjørg Mikkelsen preassadieđáhusas.
Buohkat geat jápme skábmamánus ledje badjel 40-jahkásaččat.
– Ii mis juolo oktage jápmit, eai vuorrasat olbmot eaige nuorat. Lea buorre vásihit ahte skábmamánu jápminlihkohisvuođat Norggas eai gáibidan nuorra olbmo, lohká Mikkelsen.
Nordlánddas, Romssas ja Finnmárkkus, Vikenis, Innlandetis ja Vestlánddas jápme vihtta almmáiolbmo ja okta nissonolmmoš. Eanaš lihkohisvuođat ledje badjelgeainnuvuodjin ja go biila bođii ovddal, muhto okta vázzi massii heakka skábmamánus. Váilevaš áicilvuohta lea daid dehálamos sivain duođalaš johtolatlihkohisvuođaide. Iskan man Stáhta geaidnodoaimmahat (TØI) dagai, čájeha ahte biilavuoddjit leat áicevaččabut go moatti jagi dás ovdal.
