Sámi árvvut rs stivrrajođiheaddji Petra Biret Magga-Vars ávžžuha olbmuid evttohit olbmo dahje olbmuid gii dahje geat ánssášivčče oažžut sámi árbevirolaš dieđu bálkkašumi.
Searvi Sámi árvvut rs ávžžuha olbmuid evttohit olbmo dahje olbmuid geat ánssášivčče árbevirolaš dieđu bálkkašumi oažžut. Evttohas lea sápmelaš dahje sápmelaččat gii/geat leat sámiid árbevirolaš árvvuid mielde. Sii sáhttet ássat Norggas, Suomas, Ruoŧas dahje Ruoššas. Bálkkašuvvon olmmoš dahje olbmot galget doalahit, ovddidit ja doarjut sámiid árbevirolaš dieđu seailuma sámi kultuvrra árvvuid mielde, čállá Sámi árvvut rs.
– Evttot olbmo dahje olbmuid ovdal 04.12.2020 oanehis ákkastallamiin ja sáddes dan šleađgaboasttain čujuhussii samiarvvutrs(at)gmail.com. Lassidieđuid sáhttá oažžut ođđa stivrajođiheaddjis, Petra Biret Magga-Vars, p_magga(at)hotmail.com.
Bálkkašupmi doallá sisttis gudnegirjji ja 1000 euro ruđa. Bálkkašumi mieđiha Sámi árvvut rs stivra.
Vuosttaš sámi árbevirolaš dieđu bálkkašupmi 2016 geigejuvvui Jovnnas-Jovnna-Ellii (Lea Magga) ja Guhtur-Niillas-Juhánii (Juhani Magga) ja nubbi bálkkašupmi jagi 2017 Katri Jefremoffii.
