Kommišuvdna mii dutká girdilihkohisvuođaid áigot odne mannat Oajevággái, gosa poastagirdi gahčai ikte.
Kommišuvdna mii dutká girdilihkohisvuođaid áigot odne mannat Oajevággái, gosa poastagirdi gahčai ikte.
Sihke gádjunveagaide ja politiijaide lea leamaš stuorra hástalussan beassat lihkohisvuođabáikái Oajevággái Johkamohkii suohkanis, gosa poastagirdi gahčai bearjadatija.
– Lihkohisvuođabáikái ferte skohteriiguin vuodjit, ja de fertet rasttildit jávrriid mat eai leat albma ládje jikŋon, danne veagat eai leat sáhttán čuovvut dábálaš mađiijaid, muitalii Patrik Ström Norbottena politiijaid bealis ikte.
Loga maid: Norgga poastagirdi gahččan Davvi-Ruoŧas
Ruoŧa politiijat duođaštit norgga militearagirdiid leat gávdnan lihkohisvuođabáikki. Girdi maŋis lea báhccán roggi mii lea 30 mehtera diamehteris, ja 5 mehtera čieŋal, muitalit Norrbottena politiijat.
– Girdi lea gahččan njuolgga eatnamii, lohke sii ikte.
Kommišuvdna mii dutká girdilihkohisvuođaid, álgá iskat báikki otná beaivvi mielde, čállá NRK Sápmi.
