Garra koronagáržžidemiid dihtii luvve TONO ipmilbálvalusa musihkkačuojaheami neahtas gitta guovvamánu vuosttaš beaivái. Muitte dieđihit geavaheami digitála vugiin.
Maŋimuš guovtti jagis leamaš garra njoammueastadannjuolggadusat ja gáržžideamit servodagas. Norggas eai leat beassan searvegottit čoahkkanit ipmilbálvalusaide. TONO lea olu gerddiid luvven TONO-musihka láiggu go čuojahit musihka ipmilbálvalusain mii sáddejuvvo neahta bokte. TONO lea árvvoštallá dát lea dan sadjái go eai sáhte lágidit ipmilbálvalusaid nu mo dábálaččat covid-19 dávdda dihtii, čállá Norgga kirku preassadieđáhusas .
TONO-lisensierema dahje láigomáksima luvven bistá gitta guovvamánu vuosttaš beaivái. TONO muittuha ahte luvven guoská ipmilbálvalusaid njuolggosáddagiidda, muhto maid jus seamma ipmilbálvalus lea oaidnimis neahtas guhkit áiggi. Dál ferte dieđihit TONO:i digitála vugiin, iige báhpára bokte.
