Norgga kirku kirkofága ja ekomenihka ossodatdirektevra Jan Christian Kielland muitala Norgga kirku lea olu jagiid vuoruhan gástta ja easkka dál lea gástašuvvon mánáid lohku dál bisánan dássidis lohkui.
– Gástalogut 2019:s gitta 2022:i leat oalle stabiila ja leamaš birrasii 28 000 gástta jahkásaččat. Dát čájeha ahte leamaš ávki min gásttavuoruhanbarggus, lohká Norgga kirku kirkofága ja ekomenihka ossodatdirektevra Jan Christian Kielland preassadieđáhusas.
Jagi 2005:s gitta 2018:i njiejai gásttašuvvon mánáid lohku Norgga kirkus, 75,8 proseanttas gitta 51,9 prosentii. Muhto 2019 rájes lea gásttašuvvon mánáid lohku stabiliseren.
– Olu searvegottit leat vuoruhan gástta ja heivehan dan sidjiide geat háliidit mánáid gásttašit. Sierra gástaipmilbálvalusat ja drop-in-gásta leat guokte ovdamearkka dasa, lohká son.