Ođđa Š-bláđis beassá lohkat artistaeallima birra, influenser árgabeaivvi birra ja oahpásmuvvat ođđa ofelaččaiguin.
Iđut-lágádus almmuha dál Š-bláđi ođđa nummara.
Dán nummara sisdoallu lea earret eará:
Kárášjoga nieida Aili Kathrine Wergeland Teigmo (25) – dahje Aili – orru Oslos ja lea lihkostuvvamin artistan ja lávllačállin. Son oassálasttii dán jagáš Sámi Grand Prixas lávlagiin «Bajimusas», mii lea su vuosttaš lávlla sámegillii.
Ruoŧabeale Sámi nieida Evelina Solsten (21) boazosámpmelaš ja influenser. Sus leat 55 000 čuovvu TikTokas ja lagabui 23 000 Instagrammas. Son čalmmustahttá boazodoalu ja sámi kultuvrra sosiála mediain.
Beasat oahpásmuvvat ođđa sámi ofelaččaiguin Mathis Eira (19), Ole-Christer Hætta (19), Benedikte Iren Eriksen (19) ja Linnéa Knutsen.
Š-bláđđi čájeha maid gáktemota Márkomeanu festivála govaid bokte ja nuoraidmagasiinna divššár Ánne-Hedvig lea vástidan gažaldagaid.
Š almmuhuvvo 4 geardde jahkái. Š-bláđđi sáddejuvvo 1.448 nurrii 79 skuvllas. Š lea nuvttá skuvlanuoraide Norggas geain lea sámegiella fágan oahpahusas. Boahtte nuoraidmagasiidna ilbmá juovlamánus.
