NVE dieđiha sii beavttalmahttet ja dahket álkibun meannudit fierpmádatkonsešuvnnaid, erenoamážit smávit áššiin.
– Mii álkidahttit dál barggu sidjiide geat háliidit NVE (Norgga čázádat- ja energiijadirektoráhta) ovddas hukset. Earret eará transformahtorstašuvnnaid, go dát bargu uhccán earáide váikkuha, lohká NVE energiija- ja konsešuvdnaossodaga direktevra Inga Nordberg preassadieđáhusas.
NVE rievdada maid gaskaboddosaš rusttetgeainnuid bargama nu ahte huksejeaddji oččošii vejolašvuođa gávdnat vuogas saji huksenáigodaga meahccevuodjimii. Seammás čavge NVE bággolotnunohcamušaid, nu ahte huksejeaddji ferte eambbo geahččalit soahpat eanaeaiggádiiguin ovdal go bággolotnun meannuduvvo.
– Mii háliidit čielgasit čalmmustahttit ahte lea huksejeaddji ovddasvástádus soahpat govttolaš čovdosiid eanaeaiggádiin ovdal go sáddejit ohcamuša midjiide. Jáhkán dan geahpedit bággolotnunohcamušaid ja min áššemeannudeapmi šaddá beaktilabbon go lea vuos bargan vuđolaččat báikkálaš dásis, čilge Nordberg.
