-Almmuhus-
-Almmuhus-
OĐĐASAT Nuvttá covid-19 boahkkun

Nuvttá covid-19 boahkkun

-

-

Ráđđehus lea mearridan ahte boahkkun covid-19 vuostá lea nuvttá olles álbmogii, dadjá dearvvašvuođaministtar Bent Høie (Olgeš).

Høie ovdanbuvttii maŋŋebárgga Stuorradiggái mo koronadilli lea Norggas. Son čuoččuhii ahte ráđđehus háliida ahte boahkkun šaddá olámuttos álbmogii nu jođánit go dat boahtá.

– Stáda maid gokčá gielddaid ja buohcciviesuid goluid mat gusket boahkkumii, dajai son.

Boahkuheapmi galgá organiserejuvvot oassin nationála boahkuhanprográmmas. Dat mearkkaša earret eará ahte gielddain lea geatnegasvuohta addit fálaldaga olbmuide geat ásset gielddas.

Ráđđehus lea ožžon ávžžuhusa Álbmotdearvvašvuođainstituhtas (FHI), mat maiddái oaivvildit ahte boahkkun galggašii leat nuvttá. FHI bargagoahtá dál nationála boahkuhanplánain.

– Barggus maid mielddisbuktá addit ávžžuhusaid vuoruhuvvon ráiddu. Mii sávvat ahte sáhttit fállagoahtit boahkkuma árrat 2021:s, muhto áigemuddu álggaheapmái lea sorjavaš dasa goas dálkkaseiseválddit leat dohkkehan dálkasa, dajai Høie. ©NTB

- Advertisement -
-Almmuhus-