Norgalaččat navdet ahte vuorasolbmot rahčet eambbo go nuorat koronapandemiijas, muhto duohtavuohta lea áibbas eará.
Iskkadeapmi, man Opinion lea čađahan, čájeha ahte dušše golbma proseantta sii, geat leat badjel 60-jahkásaččat, rahčet eambbo dál go ovdal pandemiija. Sis geat leat vuollel 30 jagi boarrásat, vástidit 15 proseantta ahte rahčet eambbo dál.
Dasa lassin čájehit logut ahte eanaš nuorain lea leamaš heajos dilli maŋimuš áiggi, vihtta proseantačuoggá eambbo go gaskamearri pandemiija čađa. Vuorasolbmuide leat logut oalle seamma go gaskamearálaš logut.
Olbmuid áddejupmi lea áibbas eará. Iskkadeapmi, masa 8729 norgalačča serve, čájeha ahte 48 proseantta navdet ahte vuorraset olbmuin lea heajos dilli pandemiijas. 21 proseantta navdet ahte manná bures singuin. Seamma gažaldahkii vástidit 35 proseantta sis geat vuollel 30 jagi boarrásat ahte navdet sis lea heajos dilli, ja seamma oallugat navdet singuin manná bures.
– Juohke nubbi norgalaš navdá ahte vuorrasiin lea heajut dilli dán áigge, dan botta go okta juohke goalmmádis navdá dan seamma nuoraid birra. Aŋkke leat nuorain, stuorát dásis go vuoras olbmuin, máilbmi gopmánan pandemiija čađa, dadjá Opinion seniorráđđeaddi, Nora Clausen, preassadieđáhusas.
(©NTB)
