NRK devddii buot gáibádusaid servodatdoaimmas 2022:s, earret go lohku ođđadárogielas rádios ja neahtas. Dan čájeha Mediabearráigeahču bearráigeahččuraporta diimmá ovddas.
– Lohku ođđadárogielas lea lassánan veaháš, muhto lea ain oassi dassá go ollašuhttet ulbmila. Mediabearráigeahčču áigu danin čuovvulit dan čuoggá, dadjá Mediabearráigeahču direktevra Mari Velsand.
NRK:s galgá unnimusat 25 proseantta ođđadárogiela TV:s, rádios ja neahtas, ja gáibádus ferte leat ollašuvvan juohke sajis. NRK ii leat goassege ollašuhttán gáibádusa 25 proseantta ođđadárogielain neahtas, ja 2019:s 2022 rádjái ii leat leamašan doarvái ođđadárogiella rádios ge.
