Dán jagi manná ruhta Redd Barna veahkkeorganisašuvnna bargui veahkehit mánáid soahteriikkain.
Golggotmánu 22. beaivvi lágiduvvui NRK jahkásaš TV-akšuvdna. Dál leat buot ruđat boahtán sisa ja lohkkojuvvon. Redd Barna oažžu badjel 311 miljovnna ruvnnu veahkehit mánáid geat gillájit soađi dahje eará riidduid geažil Gazas, Ukrainas, Syrias, Bangladeshas, Lulli-Sudanas, DR Kongos ja Norggas.
– Ná olu ruhta ii livččii čoagganit ruhtačoggiid, eaktodáhtolaččaid ja addiid haga miehtá Norgga. Lean nu giitevaš, ja dat áŋgiruššan TV-akšuvnna ja Redd Barna ovddas njuorasmahttá, lohká Redd Barna váldočálli Birgitte Lange preassadieđáhusas.
Dán jagi lassánedje addit, muhto juohke addi attii unnit go diibmá.
– Dat čájeha ahte eambbosat áŋgiruššet ja háliidit doarjut veahkkebarggu vaikke ekonomalaš dilli lea hástaleaddji, lohká TV-akšuvnna jođiheaddji Nina E. Larsen.
2022:s čohkkii TV-akšuvdna 291 miljovnna ruvnnu. (©NTB)