Raarvihkelaččat adde gaskamearálaččat eanemusat Redd Barnai.
Ikte, sotnabeaivvi golggotmánu 22. beaivvi, lágiduvvui TV-akšuvdna. Dán jagi manná TV-akšuvnna ruhta Redd Barna bargguide veahkehit mánáid geat gillájit sođiid ja riidduid. Raarvihkes ásset 429 olbmo, ja sii adde gaskamearálaččat 137,5 ruvnno Tv-akšuvdnii.
Sámegielaid hálddašanguovllu gielddat ássit adde gaskamearálaččat ná olu:
Gáivuotna 45,59 ruvnno, oktiibuot čoggui 91 173 ruvnno
Loabák 59,31 ruvnno, oktiibuot čoggui 58 306 ruvnno
Guovdageaidnu 37,2 ruvnno, oktiibuot čoggui 105 406 ruvnno
Kárášjohka 34,9 ruvnno, oktiibuot čoggui 86 698 ruvnno
Deatnu 19,76 ruvnno, oktiibuot čoggui 55 418 ruvnno
Unjárga 90,74 ruvnno, oktiibuot čoggui 78 396 ruvnno
Porsáŋgu 49,49 ruvnno, oktiibuot čoggui 191 195 ruvnno
Dielddanuorri 33,48, oktiibuot čoggui 140 827 ruvnno
Hábmer 69,52 ruvnno, oktiibuot čoggui 186 452 ruvnno
Aarborte 51,72 ruvnno, oktiibuot čoggui 66 103 ruvnno
Snåase 41 ruvnno, oktiibuot čoggui 306 477 ruvnno
Raarvihke 137,5 ruvnno, oktiibuot čoggui 58 989 ruvnno
Rosse 54,75 ruvnno, oktiibuot čoggui 82 861 ruvnno
Gáldu : Redd Barna
273,7 miljovnna ruvnno čoggui
Dán jagi čoggui oktiibuot 273,7 miljovnna ruvnno, dattetge lea ain vejolašvuohta addit ruđa. Miehtá Norgga vázze ruhtačoaggit uvssas uksii, guovtti tiimmus ikte čogge ruhtačoaggit 88 miljovnna ruvnnu. 36 miljovnna lei reaidaruhta ja reasta bođii Vippsa bokte, čállá Redd Barna.
Gaskamearálaččat attii juohkehaš Norggas 49,96 ruvnno. Ávvir lea geahččan man olu guhtege gielda sámegielaid hálddašanguovllus Romssas ja Finnmárkkus lea čoaggán.