Norwegian ja girdifitnodat JetBlue ráhkadeigga áigumuššiehtadusa ovttasbarggu birra. Dat dagaha ahte mátkkošteaddjit besset girdit eambbo gávpogiidda USA:s ja Latin-Amerihkkás.
– Dát ovttasbargu boahtá addit mátkkošteddjiide eambbo válljenvejolašvuođaid. JetBlue lea stuorámus girdifitnodat USA-stašuvnnain, nu go New York ja Fort Lauderdale, dadjá konseardnahoavda Geir Karlsen Norwegian preassadieđáhusas.
Norwegian dieđuid mielde addá šiehtadus vejolašvuođaid girdit 60 sajiide USA:s ja 40 sajiide Karibias ja Latin-Amerihkkás.
