-Almmuhus-
-Almmuhus-
SMÁVVAOĐĐASATNorgga árktalaš universitehta musea gudnejahttojuvvo sierra poasta­mearkkaiguin

Norgga árktalaš universitehta musea gudnejahttojuvvo sierra poasta­mearkkaiguin

-

-

Norgga árktalaš musea 150-jagi ávvudoaluin almmuha Poasta guokte poastamearkka golggotmánu vuosttaš beaivvi, gudnejahttin dihtii musea mearkašumi Davvi-Norgii.

– Norgga árktalaš universitehtamusea ja Poasta bovdejit media čalmmustahttit poastamearkkaid almmuheami musea Rotunden lanjas duorastaga čakčamánu 29. beaivvi, čállá UiT Norgga árktalaš universitehta gaskkustanbagadalli Per Helge Nylund preassadieđáhusas. 

Davvisámegillii ja kvenagillii 

Martin Mörck lea hábmen poastamearkkaid. Lea vuosttaš geardde historjjás go riikanamma almmuhuvvo sihke davvisámegillii ja kvenagillii, erenoamážit gudnijahttin dihtii musea sámi ja kvena dutkanbarggu.

Poastamearkkain ja miniatyrbáhpáriin leat olu davviguovllu govat  mat čájehit musea luonddu- ja kulturdieđalaš doaimmaid. Govat čájehit ahte musea doaibmá olles Davvi-Norgga musean ja lea 150 jagi dutkan dan guovllu. Dat bargu šattai dehálaš dieđalaš vuođđu go ásahedje universitehta Romsii, UiT Norgga árktalaš musea. 

-Almmuhus-