-Almmuhus-
-Almmuhus-
SMÁVVAOĐĐASATNorgalaččat pántejedje 1,5 miljárdda bovssa ja bohttala

Norgalaččat pántejedje 1,5 miljárdda bovssa ja bohttala

-

-

Diibmá pántejedje norgalaččat badjel 1,5 miljárdda bovssa ja bohttala. 

Norggas pántejedje 2022:s oktiibuot 921 miljovnna bovssa ja 601 milljovnna bohttala main lea pántamearka. 

– Mis lea áibbas erenomáš pántavuogádat ja soaitá Norgga buoremus sirkulerenvuogádat. Buot materiálat mat leat bovssain ja bohttaliin ođasmahttojuvvojit, ja dat lea praktihkalaš sirkulerenekonomiija. Diimmá pánten ja ođđasis ávkkástallan sesttii seamma olu el-rávnnji go maid 65 000 dállodoalu geavahit, lohká Infinitum Randi Haavik Varberg. 

Obs Lillestrøm gávppis válde vuostá eanemus pántta diibmá, doppe pántejedje olbmot badjel 8,5 miljovnna bovssa ja bohttala. 2019:s lei Obs Lillestrøm vuosttaš buvda Norggas mii oaččui pántamašiinna gosa sáhttá gurgalit olles seahkaid main leat bovssat ja bohttalat. (©NTB)

-Almmuhus-