Vefas IKS lea čakčat dárkkistan olbmuid ruskkaid, ja boađus hirpmástuhttá ja addá ođđa movtta.
Vefas IKS lea čakčat dárkkistan olbmuid ruskkaid, ja boađus hirpmástuhttá ja addá ođđa movtta.
Doaibmajođiheaddjis Thor Arnfred Johansenis lea 2001 rájes leamaš ovddasvástádus čađahit dárkkisteami, ja oaidná čielga treandda movt mii sirret doabbariid.
Šaddan čeahpibun sirret
– Mii oaidnit ovdáneami muhtin osiin. Ovdáneapmi lea stuorámus go lea sáhka várálaš/EE-doabbariin ja biktasiin. Eai lean nu ollu dakkár várálaš ruskkat go mis lei dárkkisteapmi, ja dat lea hui illudahtti, lohká Johansen ja joatká:
– Mii jáhkkit ahte eanaš oassi olbmuin geavahit daid bivttaskontaineriid mat gávdnojit, doppe gos leat dakkárat. Dasa lassin lea dihtomielalašvuohta lassánan EE-doabbariid ektui ahte daid sáhttá doalvut šiehtadalliide geat vuvdet dakkár gálvvuid. Sis lea bággu váldit dakkár doabbariid vuostá, vaikko ii leat oastán dán buktaga juste dan rámbuvrras.
rávve olbmuid bidjat áiggi sirremii. Preassagovva: Vefas IKS.
Bálkot ruđaid ruskalihttái
Dat mii eanemusat hirpmástuhtii lei go oidne man ollu pántabohttalat ja guoros bohttalat ledje ruskkaid mielde. Dat lea báikkálaš erohusat, ja Guovdageainnus eai lean nu ollu pánttabohttalat seahkánan ruskkaid fárrui.
– Jus mii geahččat dáid gávdnosiid min guovllus, de bálkut unnimusat 500 000 ruvnno ovddas, juohke jagi. Dat lea ulbmilmeahttun go jurddaša dan árvvu mii dain lea, sihke alccesat dahje valáštallanjoavkkuid dihte geat čogget ruđaid bohttaliiguin. Go daid bálkesta ruskalihttái, de šaddá dat gollun doalvuma ja boaldima dihte, muitala Johansen.
Doaibmajođiheaddji háliida rámidit Eaktodáhtolašguovddáža Guovdageainnus go leat ásahan suoma pánttačoagginstašuvnna.
– Dat lea buorre doaibma, ja mii leat veahkehan heivehemiin, muitala son.
Máksá ollu boaldit bázahusaid
– Sáhtán čilget manne lea dehálaš sirret doabbariid, ja čujuhan goluide mat Vefasis leat. 2016s vižže 4550 tonna doabbariid min guovllus. Das lei 2860 tonna bázahusdoappar. Juohke tonna ovddas máksá 1100 ruvnno boaldit bázahusaid, mii gártá 3 146 000 ruvnno gollun. Dárkkisteapmi čájeha ahte 46 proseantta ruskkain, lei sáhttit sirrejuvvot, juogo kompostan, plastihkkan, kartoŋgan, báhpiriin ja nie ain, čilge Johansen.
Jus buohkat sirrejit doabbariid áibbas riekta, de lei sáhttit unnidit goluid milliuvnnain.
– Dakkár supmi juhkkon 10 000 diŋgojeddjiide, lei sáhttit šaddat unnit gollun doapparsirremii mainna unnu fas divat, lohká son.
Juovladiehtu Vefasis
Vefas sávvá dál basiide mat leat boađe boađi, ahte olbmot jurddašit vuđoleappot movt sii sirrejit doabbariid.
– Jus bidjalat bázahusdoabbara rádjui, dahje garašii, de ii leat eará riska go ahte foarbma buorrána. Sirren- ja birasvuoitu lea jo vuosttaš beaivvi rájes. Loahpa loahpas sávan buohkaide buori sirrenjagi, loahpaha Thor Arnfred Johansen Vefas IKSas.
