Ođđajagimánus čakčamánnui dán jagi leat norgalaččat gávppašan 6,8 miljárdda kruvnno ovddas, mas 2,9 miljárda manai borramušgálvvuide.
Statistihkalaš guovddášdoaimmahaga logut čájehit ahte mii jođiimet 3,6 miljovnna beaivemátkki rájá rastá jagi golmma vuosttaš kvartálas, ja ahte mii gaskamearálaččat osttiimet 1892 ruvnno ovddas juohke mátkkis.
– Norgalaččat geavahedje áibbas čielgasit eanemus ruđa borramušgálvvuide go gávppašedje rájá rastá. Ođđajagimánus čakčamánnui dán jagi geavaheimmet 2,9 miljárdda ruvnnu dán gálvojovkui ja dat vástida 43 proseantta rádjegávppašeamis, dadjá SGD seniorráđđeaddi Guro Henriksen.
