-Almmuhus-
-Almmuhus-
OĐĐASAT Norga oažžu badjel miljovnna eanet Pfizers-boahkko­dosa

Norga oažžu badjel miljovnna eanet Pfizers-boahkko­dosa

-

-

Dán jagi nuppi áigodagas oažžu Norga 593 190 lassi Pfizers koronaboahkuheami ja suoidnemánus maid lassánit boahkut máŋga čuohteduháhiin. 

– Norga oažžu oktiibuot 2 917 980 Pfizers ja Biontechs koronaboahku cuoŋománus, miessemánus ja geassemánus, muitala Álbmotdearvvašvuođa boahkkováráiduhttinossodaga sekšuvdnajođiheaddji Knut Jønsrud Dagbladet aviisii. 

Gaskavahkku čielggai ahte EU oažžu oktiibuot 50 miljovnna liige Pfizer/Biontech boahkkodosaid ovdal geasi. Dát galge rievtti mielde juhkkojuvvot easka dán jagi maŋimuš áigodagas. 

Norga oažžu 550 000 dáid liige boahkuin ja 17. vahkkus ollejit jo 59 670 liigedosa. Dat mearkkaša ahte dien vahkkus oažžu Norga oktiibuot 207 090 dosa. Miessemánus bohtet 1 050 660 boahkkodosa ja dat lea 248 040 eanet go galge ja geassemánus ges oažžut 285 480 lassi dosa. Dalle sáddejuvvojit Norgii 1 220 310 boahkkodosa. 

(©NTB)

-Almmuhus-