Finnmárkku stuorámus gávpogis lea guovtti beaivvis duođaštuvvon njealljásis korona.
Álttá suohkanis lea njealljásis duođastuvvon korona maŋimus guovtti beaivvis. Guoktásis lea duodaštuvvon korona mannan sotnabeaivvi ja guoktásis fas duođaštuvvui korona vuossárgga. Dat guovttis geain vuossárgga lea duođaštuvvon korona leaba lagasoktavuođat olbmui geas sotnabeaivvi lea duođastuvvon korona.
Suohkana bealis dieđihit maŋŋebárgga iđida ahte sis lea badjegeahčču dilis. Guovtti maŋimus vahkkus leat Álttá suohkanis iskojuvvon badjel 300 olbmo. Suohkan lea ain 1. riskadásis. Mánáidgárddit ja skuvllat leat ruoná dásis.
