Golbma koronaboahku eai soaitte leahkit doarvái. Dearvvašvuođadirektevra Bjørn Guldvog muitala ahte njealját boahkkodosa sáhttá giđđat boahtit.
Ráđđehusas lea mihttu ahte buot rávisolbmot álbmogis galget boahkuhuvvot goalmmát dosain ovdal beassážiid, muhto dearvvašvuođadirektevra lohká ahte goalmmát boahkkodosa ii soaitte leat maŋemus dosa.
– Mii fertet ráhkkanit ahte ii leat doarvái golmmain koronaboahkuin, lohká Guldvog P4:i.
Boahkkobuvttadeaddjit leat árvvoštallame njealját dosa, go omrikon-variánta lea leavvame. Mihttu lea ovddidit boahkuid dan mađe ahte leat doaibmilat ođđa variántta vuostá.
– Mun árvidan ahte dahket nu, ja ahte dat boahkut leat gárvasat sullii njukčamánus dahje cuoŋománus, muitala dearvvašvuođadirektevra.
Guldvog deattuha ahte dat boahkut eai soaitte Norgii ollet juste dalle.
– Danne lea midjiide dehálaš ahte váldit bures atnui daid boahkuid mat mis leat juo, muitala Guldvog.
(©NTB)
