-Almmuhus-
OĐĐASAT Njálgáid maid sáhttá juohke beaivvi borrat

Njálgáid maid sáhttá juohke beaivvi borrat

-

-

Buvddat dieđihit ahte vuvdet mearehis olu njálgáid ovdal beassážiid. Dás evttohit njálgga herskkuid maid sáhttá juohke beaivvi borrat almmá heajus oamedovdduin. 

Vaikko šaddet earálágan beassážat dán jagi, de sáhttá liikká dan návddašit. Sáhttá borrat njálgga borramuša juohke beaivvi, muhto ii leat dárbu borrat lávvardatherskkuid juohke beaivvi. 

Opplysningskontoret for frukt og grønt (muorje- ja ruotnasiid diehtojuohkinkantuvra) borramušneavvu Iselin Bogstrand Sagen lohká ahte dieđus galget mánát beassat ohcat beassášnjálgáid, muhto ii dárbbaš juohke beaivvi daid gávdnat.

Son evttoha ahte olbmot vurdet beassášmaniin gitta beassášlávvardahkii, amas šaddá menddo olu njálggesborran. Son rávve olbmuid čuohppat gárvvisin murjjiid ja ruotnasiid maid lea álki dohppet, borrat ja mat leat buorit dearvvašvuhtii.

– Sáhttá vaikko beassášmani deavdit gárvásit čuhppojuvvon cherrytomáhtaiguin, binna bánna gurkkain ja paprihkain. Bija lihti dahje beassášmani oidnosii. Sáhttá maid ráhkadit tzatziki sovsa ja mas sáhttá rušppiid, návrašiid ja gurkkaid buotnjut. Doloža rájes beassášmuorjjit, ebelsiinnat, berrejit maid leat oidnosis ja daid sáhttá borrat sihke ruovttus ja olgun, dadjá son.

- Advertisement -
-Almmuhus-