Olles 85 proseantta gaskal 26- ja 39-jahkásaš norgalaččain háliidivčče rievdadit iežaset borrandábiid.
Seammás go buoiddes olbmuid lohku lassánan lea hui olu maŋemus 40-50 jagis, de leat eanebut ja eanebut geat hálidit seaggut.
Ođđajagemánnu lea ge dat stuora seaggudanmánnu jagis, go lášmmohallanguovddážiidda divvet olbmot ja nuppit fas galget doallat ođđajagilohpádusaid.
Badjel bealli seaggudit áigot
Oaiviliskkadeapmi maid Skuterud Kløvstad leat čađahan Opplysningskontoret for frukt og grønt ovddas, čájeha ahte 56 proseantta Norgga álbmogis háliidivčče dahkat juoidá dainna go leat kilot darvánan rupmašii.
Iešguđetlágan vuogit
87 proseantta sis geaid leat jearahallan áigot unnit sohkkara borrat, 78 proseantta fas eambbo ruotnasiid, 74 proseantta áigot eambbo guoli borrat ja bealli sis fas áigot eambbo murjjiid ja šattuid borrat.
Ii nu «dievvanjálmmi»
Opplysningskontoret for frukt og grønt gulahallanhoavda, Gerd Byermoenis leat rávvagat olbmuide.
Son lohká ahte lea dehálaš ahte eai váldde beare «dievvanjálmmi» go galget seaggut.
Das son oaivvilda ahte ii galgga nu stuora rievdadusaid dahkat borrama dáfus, go de sáhttá leat nu ahte ii nagot doallat dan ja nu maid ii seakko.
