Oscar-akademiija, lea nammadan 398 mearkkašahtti dáiddára ja jođiheaddji miellahttun dán jagi. Sámi filbmadahkki ja bagadalli Nils Gaup lea okta dain.
Oscar akademiija lahttut ovddastit earenoamáš čeahpes máilmmiviidosaš taleanttaid iešguđetge filbmafágalaš surggiin ja sis lea dehálaš váikkuheapmi filbmadáidagis ja filbmaberošteddjiide miehtá máilmmi, čállá Internationála Sámi Filbmainstituhtta preassadieđáhusa bakte.
– Lea hui stuora illu go Nils Gaup oažžu dán gudni. Son lei vuosttaš Sámi filbma bagadalli Ofelaš filmmain 1987:s ja lea dan rájes leamaš ovdagovvan ja inspirašuvdnan olles sámi filbmamáilbmái. Mii illudit ja leat hui rápmásat go Nils Gaup lea ožžon dán gudni Akademiijas. Internationála Sámi Filbmainstituhtta sávva hui ollu lihku bagadallái ja min filbmakonsulentii Nils Gaupii Akademiija lahttu nammademiin, nu dadjá direktevrra Anne Lajla Utsi preassadieđáhusa bakte.
