Norgga biilapárka stuorui olahusleavttuin diibmá, ja oktiibuot leat fargga badjel 3 miljovnna biilla. – Stuorát ráhtomáksu sáhttá oažžut boarraseamos ja váraleamos biillaid eret johtolagas, oaivvilda NAF.
2022:s importerejuvvo 193 000 biilla Norgii. Seammás ráhtu dahje eksporterejuvvo dušše 107 000 biilla.
Oktiibuot bohte sullii 86 000 eambbo biilla Norgga geainnuide diibmá. Dan čájehit logut maid Opplysningsrådet for Veitrafikken (OFV) lea ovdanbuktán.
– Dát lea ođđa olahus Norggas. Eai goassege ovdal leat ná olu persovdnabiillat lassánan Norgga geainnuide jagis.
Ii goassege ovdal leat lassáneapmi logus persovdnabiillain norgga geainnuid alde jagis jahkái leamaš alit. Mannan olahus lei 2021:s, dalle lassánedje 72 000 biilla, dadjá NAF eiseváldeoktavuohta Thor Egil Braadland preassadieđáhusas.
Son dadjá ahte Norggas leat dál 2,97 miljovnna biilla geainnuid alde, fargga bohtet leat badjel 3 miljovnna, jos treanda joatká.
