Dieselhaddi lea lassánan 49 proseanttain ja bensiidna ges 43 proseanttain ovtta jagis, čájehit Statistihkalaš guovddášdoaimmahaga logut.
NAF gáibida ahte bensiidna- ja dieselhattit geahpeduvvojit, veahkeheames ruovttudoaluid mat alla hattiin rahčet.
– Dál ferte ráđđehus áddet duođalašvuođa ja geahpedit goluid, dadjá Norges Automobil-Forbund eiseváldeoktavuođa geatnegas Thor Egil Braadland preassadieđáhusas.
Dušše ovtta mánus leat hattit lassánan 8,10 proseanttain bensiinna ovddas ja 6,67 proseantta diesela ovddas. Dat lassáneamit čuhcet erenomážit boaittobeale báikkiide, gos unnit olbmuin leat el-biillat ja olbmot dárbbašit biilla.
– Mii leat ovdanbuktán páhka mas lea 30 miljovnna ruvnno mii galgá vuolidit biilavuoddjiid haddedeattu ja veahkehit ahte eambbosat sáhttet oastit el-biilla. Vuolidit hattiid lea deháleamos doaibma, ja ráđđehus sáhttá vuolidit hattiid mearkkašahtti jus beare háliidit, dadjá Braadland preassadieđáhusas.
