Olusiin leat báhcán olu borramušbázahusat maŋŋá juovllaid. Dál lea áigi seailluhit daid jierpmálaččat ja geavahit buot mii lea čoggon galbmaskáhpii.
Diehtojuohkinkantuvrra borramušfágalaš šattuid ja ruotnasiid neavvu Torill Gulbrandsenis lea buori rávvagat mo sáhtášii juohke borramušbihttá geavahit.
Sávzzaerttega ja spiinneerttega bázahusaid sáhtát bidjat jiekŋaboksii. Čoaskut dan johtilit, juoge daid lihtiid dahje puse sisa ja bija jiekŋaboksii maŋit áigái. Basson biergu seailu moadde beaivvi galmmihanskábes. Gulbrandsen ávžžuha olbmuid geavahit áiccuid; geahča, havsse ja máistte, go dárkkista lea go borramuš borahahtti ain.
– Ruotnasiid vurkkodat doavnnji siste, fuolat ahte plastihkka lea divttis jus leat rahpat páhka, lohká Gulbrandsen preassadieđáhusas.
Menddo olu buđehat? Ále bálkes buđehiid, gárvves vuššon buđehiiguin sáhtát ráhkadit hirbmat olu njálgga borramuša. Gulbrandsena mielas lea espánnjalaš tapas, patatas bravas njálggat: Smávve buđehiid ja gilvve valjis urttaid buđehiid ala, ja base daid uvnnas ja guossot daid garra tomáhtasevssain.
Lea maid vejolaš buot bázahusaid bidjat seamma ruitui, nu go sávzzaerttega, návrašiid, buđehiid, rušppi ja boskalávkki ja deavdde nu olu čázi ahte aiddo gokčá borramuša ja loahpas bijat velá boskalávkki.
– Geavat buot borramušbázahusaid go dán láhkai sáhtát seastit ruđaid, lohká Torill Gulbrandsen.
