Sihkkaris giđđamearka lea go olbmot vuojašit guovttejuvllat vuojániin.
Norges Automobilforbund (NAF), Norgga automobiilalihttu, dieđiha preassadieđáhusas ahte diibmá, 2019:s, jápme 110 olbmo johtolatlihkohisvuođain ja 16:s sis ledje mohtorsihkkelvuoddjit.
2020 jápminstatistihkas leat biilavuoddjit bajimusas, go 60 olbmo leat dássážii duššan johtolagas, go lea eanet biilavuoddjit johtolagas go mohtorsihkkelvuoddjit. Lossa mohtorsihkkelat ledje vihtta proseantta, ja jus váldá mielde gehppes mohtorsihkkeliid ja mopedaid, de lahkona lohku logi proseantta. Vaikko guovttejuvllagat leat johtolagas geassit, de ledje diibmá dattetge 14,5 proseantta dain duššan olbmuin mohtorsihkkelvuoddjit ja mopedavuoddjit.
NAF gulahallanneavvu Nils Sødal lohká leat erenoamáš hástaleaddjin sihke biilavuddjiide ja mohtorsihkkelvuddjiide juogadit saji johtolagas. – …–Guovttejuvllatvuoddji berre leat erenoamáš áicevaš ja biilavuoddji ferte čáhkkehit saji guovttejuvllagiidda, leat erenoamáš áicevažžan luoddaearuin, dárkkistit speadjaliin ja dan oasi maid muđui ii oainne. Biilavuoddji ferte maid čájehit čielgasit čuovggaiguin gosa áigu, iige šluđut vuodjit, ja muitit ahte earát leat lagabus go dan maid ieš jurddaša. Mohtorsihkkelvuoddji galgá maid geavahit šelggonliivva ja biktasiid main leat šerres ivnnit.
